Emprendemento

PROVINCIA EMPRENDEDORA: Programa de Fomento do Emprendemento e da Actividade Empresarial na Provincia

O Programa de Fomento do Emprendemento e da Actividade Empresarial ten como obxectivo apoiar e promover o emprendemento e a actividade empresarial na provincia, como fórmula para a creación de emprego estable e de calidade, a xeración de riqueza e o desenvolvemento socioeconómico da provincia.

A quen vai dirixido?

Este programa está pensado para:

• Persoas que desexen emprender e precisen axuda para validar ou desenvolver unha idea de negocio.
• Persoas emprendedoras cun proxecto en fase inicial que necesiten apoio para maduralo antes de constituír a empresa.
• Empresarios/as en activo que busquen consolidar e mellorar a súa actividade profesional.

Qué servizos prestan?

O programa proporciona un servizo integral, acompañando ás persoas usuarias en todas as fases do proceso de emprendemento e consolidación empresarial.

Todos estes servizos son gratuitos para as persoas usuarias, grazas ao financiamento da Deputación Provincial da Coruña, a través dun convenio coa Cámara de Comercio, Industria, Servizos e Navegación de Santiago de Compostela.

Cal é o ámbito territorial do servizo?

Os servizos do programa ofrécense na demarcación territorial da Cámara de Comercio de Santiago de Compostela, composta por 32 concellos da provincia: A Baña, Ames, Arzúa, Boimorto, Boiro, Boqueixón, Brión, Carnota, Dodro, Lousame, Mazaricos, Melide, Muros, Negreira, Noia, O Pino, Outes, Padrón, Porto do Son, A Pobra do Caramiñal, Rianxo, Ribeira, Rois, Santa Comba, Santiago de Compostela, Santiso, Sobrado, Teo, Touro, Toques, Vedra e Vilasantar.

Como acceder aos servizos?

Se estás interesado/a en participar no programa ou recibir asesoramento, podes contactar connosco a través de:

https://www.camaracompostela.com/es/pag/provincia-emprendedora/