 |
 |
 |
 |
|
CONCELLOS Apoio aos concellos da provincia na creación de empregos para a prestación de servizos municipais |
EMPRENDE Apoio á creación e dinamización de empresas no ámbito local |
PEMES Apoio ao tecido empresarial para a contratación laboral de persoas en situación de desemprego |
FINANCIAMENTO EUROPEO Captación de fondos europeos para o desenvolvemento de proxectos de xeración de emprego |
Para a anualidade 2018 establécense 4 liñas de actuación:
LIÑA 1 PEL–CONCELLOS: Apoio aos concellos da provincia na creación de empregos para a prestación de servizos municipais.
Dotación: 3.541.000 €
Finalidade: subvencionar os custos de contratación de traballadores e traballadoras que sexan demandantes de emprego nos distintos concellos e que se contraten expresamente para a realización de traballos necesarios para a prestación de servizos municipais, acordes ás competencias definidas no artigo 25 da Lei de Bases de Réxime Local.
- Axudas á contratación de persoas desempregadas para a prestación de servizos locais imprescindibles.
LIÑA 2 PEL-EMPRENDE: Apoio á creación de empresas no ámbito local.
Dotación: 2.485.000 €
Finalidade: dinamizar a actividade empresarial e fortalecer o tecido produtivo a nivel local, apoiando a xóvenes emprendedores na posta en marcha da súa idea de negocio a través de incentivos á inversión en bens inventariables necesarios para a realización da actividade da empresa. Deste xeito, contribuir á posta en marcha de empresas socialmente responsables que convertan á provincia nun territorio máis sostible ecompetitivo que base o seu crecemento na innovación empresarial.
- Axudas ao fomento da iniciativa empresarial entre xóvenes emprendedores para a posta en marcha da súa idea de negocio
- Axudas para a promoción dos viveiros de empresa e espacios de traballo (coworking) que dinamicen a actividade empresarial e fortalezan o tecido productivo a nivel local.
- Proxecto piloto de creación dun espacio de traballo colaborativo (coworking) xestionado pola deputación en colaboración cun concello da provincia.
- Incentivos á calidade e á innovación da idea empresarial: Premio Provincial á mellor Iniciativa Empresarial.
- Apoio aos concellos para a prestación de servizos de asesoramento a emprendedores e orientación laboral.
LIÑA 3 PEL-PEMES: Apoio ao tecido empresarial para a contratación laboral de persoas en situación de desemprego.
Dotación: 3.000.000€
Finalidade: seguir avanzando no apoio ao tecido empresarial e contribuír á inserción laboral das persoas desempregadas, favorecendo o emprego estable e de calidade a nivel local das persoas traballadoras con maiores dificultades de inserción laboral nun contexto de proximidade.
- Incentivos á Contratación: axudas para a creación ou ampliación do cadro de persoal de pequenas empresas e microempresas en calquera das modalidades xurídicas existentes.
LIÑA 4 PEL-FINANCIAMENTO EUROPEO: Captación de fondos europeos para o desenvolvemento de proxectos na provincia, en especial daqueles que resulten de interese para a xeración de emprego e o crecemento sostible.
Dotación: 900.000€
Finalidade: deseño e presentación de candidaturas ás convocatorias dos distintos programas de financiación da Unión Europea que máis se adecúen ás necesidades de desenvolvemento da provincia e máis concretamente, aos obxectivos do PEL.