Mar García participa no Festival da Inclusión de Amicos en Boiro
A deputada de Política Social acompañou ao alcalde, José Ramón Romero, no Festival "Festiritititi", que reuniu a máis de 1.000 persoas no pavillón de Barraña
No evento participaron 15 centros educativos da comarca
A deputada de Política Social, Mar García Vidal, e o alcalde de Boiro, José Ramón Romero, participaron hoxe no pavillón polideportivo de Barraña, na sexta edición do Festival da Inclusión "Festiritititi", no que se deron cita máis de 1.000 persoas, entre escolares, profesores e beneficiarios da asociación Amicos, entidade organizadora deste evento cheo de actividades, música e diversión para todos e todas.
Ao evento acudiron alumnos e alumnas de 15 centros educativos da zona, entre eles o CEIP de Abanqueiro, Santa María do Castro, Praia Xardín e Santa Baia, así como a escola de Pazos (Comoxo) e o IES Praia Barraña, de Boiro; os colexios Ou Grupo, Bayón e de Artes e o CEEPR de Amicos, en Ribeira; o CRA de Rianxo; o CEP Pilar Maestú Sierra, da Pobra; o CPI Cernadas de Castro, de Lousame; o CRA de Dodro e a escola unitaria de Padrón.
O festival é unha celebración destinada tanto a nenos como a adultos, teñan ou non algún tipo de discapacidade. Entre as actividades, ademais de xogos inclusivos baseados en entretementos tradicionais, hai varios talleres e a actuación de DJ Matreck.
