#AVoltaÁProvinciaEn52Autoras
Mostra bibliográfica, guía de lectura e mapa virtual
Para estes meses de primavera preparamos unha mostra moi especial. Alén de achegar unha temática para celebrar o mes da muller, que tamén, comprácenos que nesta ocasión poidamos recoñecer o traballo das autoras e creadoras da nosa provincia.
Ao longo do ano 2023, desde a Biblioteca Provincial da Deputación da Coruña, estivemos a facer un destaque semanal dunha autora dalgún dos concellos da provincia da Coruña. Para compilar e poñer en común todo o traballo levado a cabo, deseñamos esta mostra, que propón un percorrido polos concellos da provincia dun xeito ameno e reivindicativo: a través da obra das autoras, exemplificada con volumes que temos no noso fondo, e que consideramos representativos da súa escrita.
Para acompañar o percorrido elaboramos un mapa virtual coas autoras propostas, ao voso dispor a través de códigos QR feitos para a ocasión, e tamén dispoñible máis abaixo. Agardamos que desfrutedes do resultado tanto como nós o fixemos desenvolvéndoa, que continuedes apoiando a iniciativa a través das redes sociais e os préstamos (físicos ou dixitais), e sigamos a descubrir e recoñecer o traballo das nosas autoras.
Podedes acceder ao conxunto dos contidos na seguinte ligazon:
