A Deputación da Coruña investirá este ano 11,3 millóns de euros en obras de conservación das estradas provinciais
O pleno aprobou por unanimidade o Plan de conservación de vías provinciais 2025, que incrementa o seu orzamento en 383.000 euros para a execución de obras de mantemento, reparación de firme e pavimentación nos máis de 2.000 quilómetros da rede de estradas provinciais
Xunto co plan de desbroces e reparacións urxentes, supón un investimento medio de 7.200 euros por quilómetro de estrada
A Deputación da Coruña investirá este ano 11,3 millóns de euros en obras de conservación das estradas provinciais
O pleno aprobou por unanimidade o Plan de conservación de vías provinciais 2025, que incrementa o seu orzamento en 383.000 euros para a execución de obras de mantemento, reparación de firme e pavimentación nos máis de 2.000 quilómetros da rede de estradas provinciais
Xunto co plan de desbroces e reparacións urxentes, supón un investimento medio de 7.200 euros por quilómetro de estrada
A Coruña, 28 de febreiro de 2025. O pleno da Deputación da Coruña aprobou hoxe por unanimidade a primeira fase do Plan de conservación de vías provinciais, que en 2025 estará dotado cun orzamento de 11.383.203 euros, un 3,5% máis que o ano pasado.
"O plan contempla a execución de obras de mantemento, reparación do firme e pavimentación dos máis de 2.000 quilómetros de estradas cos que conta a rede viaria da Deputación. Todas estas actuacións están destinadas a mellorar as condicións e aumentar a seguridade viaria nas estradas da provincia", explicou o presidente da Deputación, Valentín González Formoso.
A maior parte dos investimentos destinaranse á renovación de firmes e capas de rodaxe, así como á renovación da sinalización vertical e horizontal, mentres que a apertura e limpeza de cunetas e a instalación de defensas viarias ou obras de drenaxe, supoñen arredor do 15% dos investimentos.
Ademais do Plan de conservación, o servizo de Vías e Obras da Deputación conta cun plan de reparacións urxentes e outro destinado exclusivamente á roza e limpeza das marxes das estradas provinciais, que supón un investimento adicional de 3,8 millóns en 2025. Esta partida orzamentaria inclúe a limpeza das marxes de todas as estradas varias veces ao ano, para mellorar a visibilidade da circulación, evitar a propagación de incendios e facilitar a drenaxe de augas pluviais.
7.200 euros por quilómetro
Os programas de Conservación, reparacións urxentes e roza das estradas provinciais suman este ano un investimento de máis de superior aos 7.200 euros por quilómetro, apuntou a deputada responsable da área de Vías e Obras, Mónica Rodríguez, que subliñou o incremento que ano a ano rexistra o Plan de conservación de estradas, xa que "os traballos de conservación da ampla rede de estradas da Deputación para mantela nas mellores condicións é tan importante como a construción de novas infraestruturas para a seguridade viaria".
PLAN CONSERVACIÓN DE ESTRADAS 2025
(1ª fase)
DENOMINACIÓN DA OBRA | IMPORTE / € |
GRUPO 1A – Ortigueira | 259.037,66 |
GRUPO 1B – Cariño | 195.487,32 |
GRUPO 2 – Mañón e As Pontes | 189.058,87 |
GRUPO 3 – Cedeira, Cerdido e Valdoviño | 331.122,89 |
GRUPO 4 – Ferrol e Narón | 643.011,13 |
GRUPO 5 – Moeche, San Sadurniño e As Somozas | 193.470,05 |
GRUPO 6 – Ares, Fene, Mugardos e Neda | 328.824,81 |
GRUPO 7 – Cabanas, Miño, Paderne e Pontedeume | 214.111,88 |
GRUPO 8 – As Pontes, Irixoa, Monfero e Vilarmaior | 337.291,84 |
GRUPO 9 – Oleiros e Sada | 449.512,71 |
GRUPO 10 – Cambre, Bergondo e Betanzos | 449.744,56 |
GRUPO 11 – Abegondo, Carral e Oza-Cesuras | 449.279,47 |
GRUPO 12 – Aranga, Betanzos, Coirós, Curtis e Oza-Cesuras | 487.571,61 |
GRUPO 13A – Frades, Ordes, Oroso e O Pino | 342.392,84 |
GRUPO 13B – Boimorto, Mesía e Vilasantar | 300.188,88 |
GRUPO 14 – Melide, Santiso, Sobrado e Toques | 449.322,50 |
GRUPO 15 – Arzúa, Boqueixón, O Pino e Touro | 351.512,13 |
GRUPO 16 – Arteixo, A Coruña e Culleredo | 449.079,12 |
GRUPO 17 – Carballo, Cerceda e A Laracha | 449.599,43 |
GRUPO 18 – Cabana, Malpica e Ponteceso | 367.316,41 |
GRUPO 19 – Camariñas, Laxe, Muxía e Vimianzo | 196.768,19 |
GRUPO 20 – Cee, Corcubión, Dumbría e Mazaricos | 207.599,18 |
GRUPO 21 – Ames, A Baña, Negreira e Val do Dubra | 337.233,53 |
GRUPO 22 – Ordes, Santiago, Tordoia, Trazo e Val do Dubra | 375.333,08 |
GRUPO 23 – Mazaricos, Muros e Outes | 444.319,78 |
GRUPO 24 – Boiro, Lousame e Noia | 341.047,85 |
GRUPO 25 – Brión, Dodro, Padrón e Rois | 330.481,86 |
GRUPO 26 – Ames, Santiago, Teo e Vedra | 330.525,27 |
GRUPO 27 – Boiro e Rianxo | 297.574,63 |
GRUPO 28 – A Pobra do Caramiñal, Porto do Son e Ribeira | 465.125,60 |
GRUPO 34 – D.P. 1914 Carballo a Portomouro | 260.072,39 |
GRUPO 35 – Coristanco, Santa Comba e Zas | 341.777,31 |
GRUPO 36 – D.P. 3404 Serra de Outes a Dumbría | 218.408,55 |
TOTAL………………………………. | 11.383.203,33 |
