Apertura do prazo de contestación das enquisas de necesidades de estudo do persoal empregado público local da Deputación Provincial da Coruña e das entidades locais adheridas

Desde a Sección de Formación, co obxectivo de mellorar as competencias e cualificacións profesionais do persoal empregado público local da Deputación da Coruña, concellos, mancomunidades e demais entidades locais adheridas a través dos Plans de formación agrupados anuais, ponse en marcha o estudo e detección de necesidades formativas para o ano 2026.

Para iso, ponse ao dispor unha enquisa individual de necesidades formativas ata o 10 de marzo de 2026. Este ano, como novidade, ademais de realizarse unha enquisa INDIVIDUAL e outra COLECTIVA, introdúcese unha enquisa SINDICAL para cubriren as persoas representantes sindicais presentes na Mesa de Formación.

Para poder cubrir os datos da enquisa de necesidades formativas, deberase ir á páxina de Formación da Deputación Provincial da Coruña, no apartado relativo a "ACCESOS DIRECTOS" e aí ao recadro "Estudo de necesidades formativas (Enquisa Anual)", ao cal se chega seguindo a ruta que se indica a continuación.

https://emprego.dacoruna.gal/formacion/

Grazas polo voso tempo e colaboración.