Curso Robótica Lego Wedo en Vedra

ROBÓTICA EDUCATIVA: LEGO WEDO PARA PÚBLICO INFANTIL

Cada taller impartirase en 4 sesións, de 90 minutos cada unha, orientados a nenos e nenas de 10 a 12 anos, cun total de 6 horas de duración, cun máximo de 12 participantes.

OBXECTIVOS DO TALLER

Ademais da asegurada diversión, os nenos e as nenas practicarán a motricidade fina, terán un primeiro contacto coa robótica e aprenderán conceptos de mecánica a través da montaxe e posta en marcha dos robots. En función da curiosidade do grupo e as preguntas que fagan, coñecerán novos conceptos e entenderán mellor outros, xa adquiridos previamente, en relación ao mundo da tecnoloxía. No ámbito da programación, ao iniciarse nunha nova linguaxe, o alumnado verá reforzada a importancia de traballar cunha gramática, unha semántica e un léxico correctos.

A programación desenvolve unha fluidez no correcto uso doutras linguaxes, debido á obriga de utilizar as instrucións de código de forma correcta. O computador só entende o que queremos dicirlle se o expuxemos de forma correcta. Un piar fundamental que se potenciará con este taller será o das matemáticas, ben a través de operacións coñecidas e estruturas novas, ou ben coa necesidade que nos impón a programación de volvernos máis analíticos e analíticas e racionais. Así mesmo, abordaranse conceptos básicos doutros campos como a física; fomentarase o traballo cooperativo, terán que comunicarse activamente e chegar a puntos de encontro en canto a como se van a tratar os problemas, complementando debilidades e fortalezas dos e das integrantes.

Por último, coa presentación dos proxectos feitos ante os e as demais participantes, traballarán a comunicación en público, habilidade cada vez máis importante e necesaria no desenvolvemento escolar, social e profesional pois implica a capacidade de comunicación con eficacia coas demais persoas. Ao practicar esta destreza, aprenden a organizar e estruturar as súas ideas, a argumentar, escoitar e respectar as opinións dos e das demais, a desenvolver o pensamento crítico e, sobre todo, a gañar autoconfianza.

PROGRAMACIÓN DO CURSO

Farase unha inmersión na robótica. Traballarase cun kit montable e programable de marca LEGO, concretamente da serie LEGO WeDo, de robótica educativa co que ser verá o funcionamento mecánico do robot e explicarase o uso de elementos tecnolóxicos que se utilizarán na sua construción. Esto permitirá reforzar os coñecementos previos do grupo adquiridos no colexio nas materias vinculadas á ciencia e á tecnoloxía.

SESIÓN 1: ROBOT FUTBOLISTA

• Obxectivos: montaxe e programación dun robot para xogar ao fútbol controlado por Bluetooth.
• Contidos:
• Introdución a motores e bloques de programación
• Construción guiada do robot futbolista con pala frontal
• Programación de avance, retroceso, xiros e control remoto
• Mini partidos en campo delimitados
• Conceptos traballados: forza, dirección, fricción, control por eventos, secuencias

SESIÓN 2: ROBOT DE SUMO

• Obxectivos: adaptación do robot para sumo, programado para empurrar e resistir
• Contidos:
• Reforzo estructural do robot para empurre e estabilidade
• Programación básica de control ou semiautónoma
• Combates individuais en "dojo" circular
• Conceptos traballados: fcentro de masa, empurre, forza, lóxica de movemento, trens de engranaxe

SESIÓN 3: CARREIRAS DE ROBOTS

• Obxectivos: crear un robot veloz que compita nunha pista recta ou en circuíto
• Contidos:
• Optimización da montaxe para velocidade e dirección recta
• Programación de carreira en liña recta ou en zigzag
• Competición cronometrada e en paralelo
• Conceptos traballados: velocidade, fricción, simetría, sincronización de motores

SESIÓN 3: ROBOT MENSAXEIRO (Actividade creativa)

• Obxectivos: deseñar un robot con misión específica (entregar un obxecto, seguir un percorrido, etc.)
• Contidos:
• Personalización dun robot e decoración
• Programación con secuencias e bucles simples
• Presentación final do robot en acción
• Conceptos traballados: secuenciación, creatividade, orientación espacial, precisión en traxectorias