PROVINCIA EMPRENDEDORA
Programa de Fomento do Emprendemento e da Actividade Empresarial na Provincia
Provincia Emprendedora é un programa integral de fomento e apoio ao emprendemento impulsado dende o Plan de Emprego Local (PEL) da Deputación da Coruña coa colaboración das seguintes entidades:
O seu obxectivo é apoiar e promover o emprendemento e a actividade empresarial na provincia, como fórmula para a creación de emprego estable e de calidade, a xeración de riqueza e o desenvolvemento socioeconómico.
Un impulso integral para facer crecer o teu negocio desde a idea ata a súa consolidación.
A quen vai dirixido?
- Persoas que desexen emprender e precisen axuda para validar ou desenvolver unha idea de negocio.
- Persoas emprendedoras cun proxecto en fase inicial que necesiten apoio para maduralo antes de constituír a empresa.
- Empresarios/as en activo que busquen consolidar e mellorar a súa actividade profesional.
- Mulleres e mocidade rural con interese en emprender, diversificar a súa actividade ou mellorar a súa situación profesional.
Que servizos se prestan?
O programa proporciona un servizo integral, acompañando ás persoas usuarias en todas as fases do proceso de emprendemento ou desenvolvemento dunha nova liña de negocio e consolidación empresarial.
Asesoramento Formación Visibilidade Espazos de traballo
Todos estes servizos son gratuítos para as persoas usuarias, grazas ao financiamento da Deputación Provincial da Coruña, a través de convenios de colaboración coa Cámara de Comercio, Industria, Servizos e Navegación de Santiago de Compostela, coa Confederación de Empresarios da Coruña e a Federación de Asociacións de Mulleres Rurais de Galicia (Fademur).
Cal é o ámbito territorial do servizo?
Toda a provincia
Como acceder aos servizos?
Seleccionando o servizo que precisas a continuación:
