Estás en:Emprego Liñas Liña 2 PEL Emprende Quero sufragar as cotas de autónom@s á Seguridade Social

Quero sufragar as cotas de autónom@s á Seguridade Social

Presentación | Destinatarios | Convocatorias | Guía Resumo

PEL-Autónom@s

A finalidade destas axudas é o fomento do emprendemento e o traballo por conta propia nos municipios de menos de 20.000 habitantes da provincia da Coruña poñendo en marcha mecanismos necesarios para a supervivencia e fortalecemento do tecido empresarial autónomo.

O seu obxecto é regular as axudas para o ano 2023 da Liña 2.7 PEL-Autonom@s: Axudas de apoio ao emprendemento a través do financiamento das cotas sociais de persoas autónomas.

Destinatarios

Estas axudas van dirixidas a persoas autónomas promotoras de iniciativas empresariais que con anterioridade á data de publicación da convocatoria da axuda desenvolvan unha actividade con ánimo de lucro e reúnan os seguintes requisitos:

Estar dado de alta no Réxime Especial de Traballadores Autónomos (RETA) ou en calquera outro réxime especial por conta propia da Seguridade Social, ou como mutualista de colexio profesional, cunha antigüidade ininterrompida máxima de 5 anos anteriores á data de publicación da convocatoria destas axudas.
Ter o domicilio fiscal nalgún concello da provincia da Coruña con unha poboación inferior a 20.000 habitantes.
Ter unha antigüidade ininterrompida máxima de 5 anos de exercicio continuado na actividade empresarial para a que solicita a axuda segundo a información recollida no certificado de situación censual da entidade/empresa.
Non estar a recibir ningunha axuda por parte de ningún organismo publico ou privado para sufragar as cotas sociais de autónomo para o período subvencionado.