Ciberseguridade en internet

A Deputación da Coruña, máis aló do apoio económico que articula a través dos diferentes plans provinciais e de maneira específica mediante as diferentes liñas de axuda que inclúe o PEL, presta tamén servizos de asistencia informática e Administración Electrónica aos concellos da provincia e conta cunha certa experiencia na adecuación normativa, organizativa e técnica que supón o reto da adaptación e cumprimento dos esquemas nacionais de seguridade e interoperabilidade.

A Deputación presta aos concellos diferentes servizos poñendo o foco no cumprimento dos principios básicos da seguridade da información, na aplicación do principio de seguridade desde o deseño a na procura da resiliencia dos sistemas de información. A Estratexia Dixital Provincial 2021-2025 recolleu tamén esta preocupación, na sección dedicada ao Plan de Ciberseguridade.

A día de hoxe a Deputación conta cun servizo de adecuación continua á normativa de seguridade e protección de datos e avanza no camiño da adaptación e conformidade ao Esquema Nacional de Seguridade . Da man do Centro Criptológico Nacional e no marco da iniciativa ciber.gal a Deputación da Coruña está a traballar para, a curto prazo, ampliar os servizos da oficina técnica de ciberseguridade aos concellos da provincia de menos de 20.000 habitantes que participan no proxecto provincial de Administración Electrónica. Desde todas as súas áreas, a Deputación da Coruña participa e colabora nas distintas actuacións e iniciativas que se poñen en marcha desde os distintos niveis das Administracións Públicas, como son por exemplo, as accións formativas promovidas desde ciber.gal:

-Ciberseguridade en internet: lexislación, desafíos e dereitos (25 de maio de 17.00h. a 19.00h.)

-Seguridade e privacidade no sector turístico (8 de xuño de 17.00h. a 19.00h.)

- Seguridade ecommerce (28 de xuño ás 12.00h.)