“Esta vida que vivo, ás veces supérame ás veces é demasiado pequena”

Vida e ficción entrelazadas.

Marguerite Duras foi escritora, guionista e cineasta. A súa obra caracterízase pola mestura de literatura, cinema, teatro e música.

Marguerite Donnadieu naceu o 4 de abril de 1914 en Saigón, naquel momento pertencente á Indochina francesa, hoxe Vietnam. Trasladouse a Francia en 1932, onde estudou Dereito e Ciencias Políticas, na Sorbona. En 1943, publicou a súa primeira novela, baixo o pseudónimo de Marguerite Duras, polo que é coñecida. Faleceu en París, en 1996.

Foi unha muller implicada nas loitas do seu tempo, apaixonada, amante da liberdade e deliberadamente provocadora.

As súas primeiras novelas, dun estilo máis realista, foron escritas durante a ocupación alemá de Francia, sendo ela membro da Resistencia. Posteriormente, foi evolucionando cara a un tipo de literatura máis experimental, ata converterse en profundamente persoal.

A súa escrita caracterízase por unha narración da trama fragmentada e non lineal e por descricións minimalistas do escenario no que transcorre. Duras céntrase na complexidade das emocións e relacións humanas, abordando temas, algúns deles incómodos no seu tempo, como a soidade, a espera, o amor, o colonialismo, a sexualidade feminina, a morte, a escritura, a loucura... Tamén escribiu para o teatro e o cine, igualmente de maneira innovadora y por iso a miúdo controvertida.

É unha das escritoras máis representativas da literatura francesa contemporánea, e deixou unha fonda pegada nas seguintes xeracións. Por unha banda, na autoficción, en boa parte herdeira da maneira de escribir que Duras iniciou a principios dos anos 80, mesturando o cotiá coa ficción de tal forma que é difícil de distinguir o real do inventado, nese momento algo experimental e innovador. Por outra, nun estilo parco e sobrio na forma pero profundo no fondo, relacionado coa vontade case obsesiva de Duras de simplificar.

Algunhas das súas novelas foron levadas ao cine. Descontenta co resultado, decidiu encargarse da adaptación destes textos e da dirección dos seus propios guións, centrándose durante uns anos no cinema. A súa filmografía foi relevante e moi persoal, rompendo coa tradición de Hollywood.

Duras é unha das escritoras e cineastas europeas máis influentes da segunda metade do século XX. Autoras como Ana María Matute, Annie Ernaux, Camille Laurens, ou directoras de cinema como Isabel Coixet, son algunhas das creadoras herdeiras do seu traballo.

Duras, controvertida, innovadora, inspiradora.

Vídeo
YouTube: https://www.youtube.com/watch?v=zEh4_vdvbps

Música

Spotify: https://open.spotify.com/intl-es/track/3rfDjFBGWeDW88inQfLzmm

Recomendacións lectoras
Papel:
• "Cuadernos de la guerra y otros textos", Marguerite Duras [sinatura: 3Z/2694]
• "El Navio Night - Aurelia Steiner", Marguerite Duras [sinatura: 3S/3587]
• "Las Conversadoras: [entrevistas con Xavière Gauthier]", Marguerite Duras, Xavière Gauthier [sinatura: 3M/22835]
• "Marguerite Duras", Laure Adler [sinatura: 1A/349]
• "La vida material", Marguerite Duras [sinatura: 3A/1767]
• "El dolor", Marguerite Duras [sinatura: 3A/1764]
• "Un dique contra el Pacífico", Marguerite Duras [sinatura: 3C/788]

Dixital:
• https://ebiblio.dacoruna.gal/info/un-amor-imposible-la-conmovedora-historia-real-de-una-joven-judia-y-un-poeta-de-la-resistencia-francesa-en-el-paris-coupado-por-los-nazis-00397101
• https://ebiblio.dacoruna.gal/info/la-situacion-y-la-historia-00397020
• https://ebiblio.dacoruna.gal/info/el-ancho-mundo-00290253
• https://ebiblio.dacoruna.gal/info/nada-mas-00278206
• https://ebiblio.dacoruna.gal/info/descolonizar-el-lenguaje-00094275

Audiolibro:
• https://ebiblio.dacoruna.gal/info/el-vinedo-de-la-luna-00394223