A nova poesía oral galega
A Deputación da Coruña, a través da Biblioteca Provincial, e Asociación Galega de Escritores e Escritoras poñen en marcha "Encontro coas Letras", un proxecto que mestura grandes autores e autoras galegos con escritores e escritoras máis descoñecidos e permitiralle á comunidade lectora da provincia da Coruña disfrutar da literatura de forma directa e próxima.
A Deputación da Coruña, a través da Biblioteca Provincial, e a Asociación Galega de Escritores e Escritoras, poñen en marcha "Encontro coas Letras", un proxecto que mestura grandes autorxs galegxs con escritorxs máis descoñecidos e que lle permitirá, á comunidade lectora da provincia da Coruña, gozar da literatura de forma directa e próxima.
Para presentar este novo proxecto, contaremos cunha sesión na Biblioteca provincial, para logo do verán percorrer algunhas Bibliotecas da provincia.
Primeiro encontro: Biblioteca Provincial da Deputación da Coruña
- Participantes: Branca Trigo Cabaleiro e Lucía Aldao
- Tema do encontro: A nova poesía oral galega
- Data: 22 de maio
- Hora: 19h
- Lugar: No 2º andar da Biblioteca (Rúa Rego de auga 37, A Coruña)
- Entrada libre (non é preciso anotarse)
Autoras participantes do primeiro encontro:
Branca Trigo Cabaleiro (Vigo, 1997) é escritora, regueifeira e editora en Malafera, un selo independente especializado en poesía. É autora dos poemarios Coñecemento do Medo, Condolore e Trans0, ademais dos fanzines Sagrado corazón de Бáба Ягá, Ω e O ser e o nervio. A súa obra baséase na experimentación e mestura da literatura con outras disciplinas como a música ou as artes plásticas. É tamén dinamizadora cultural, organizando o micro aberto de poesía Cerimonia de gaivotas. No pasado mes de abril participou nas Residencias Artísticas de Mariñán, organizadas pola Deputación da Coruña, co proxecto poético Mandrágora, arredor da bruxería e da monstrosidade.
Lucía Aldao (A Coruña, 1982) é poeta, compositora, cantante e dinamizadora cultural. É autora dos poemarios Unha ducia máis un, Todo isto antes era noite e Ninguén morreu de ler poesía. A súa obra está baseada na mestura da poesía coa música e o humor en propostas escénicas. Como dinamizadora cultural é creadora de diversos espectáculos poéticos xunto a María Lado, como Aldaolado, así como o grupo poético Poetas da hostia, un xogo lírico que xunta os poetry slams coa interacción co público. Actualmente lidera a banda PAVA, coa que obtivo o Premio Martín Códax ao mellor proxecto de pop/indie.
---
Tras este primeiro encontro, e pasado o verán, terán lugar as seis citas restantes (entre setembro e novembro) nas diferentes bibliotecas da provincia que acollerán esta iniciativa.