A provincia da Coruña conquista en Bilbao “os 5 sentidos” dos máis dun cenetenar de asistentes ao evento gastronómico da Deputación
Baixo o nome "A Coruña dos 5 sentidos" a área de Turismo da Deputación celebrou este evento no Palacio Euskalduna Bilbao
O público profesional asistente degustou os produtos locais de Mariscos de Barallobre, A Despensa d'Lujo, Queixo Galmesán, Vila sen vento, Cafés Aruba, Costumes Galicia Empanadas, Bodegas Lodeiros, A Conserveira e Museo MEGA Estrella Galicia nunha cita que contou coa cociña en directo de A Artesa da Moza Crecha
Bilbao converteuse onte no epicentro da gastronomía da provincia da Coruña, que triunfou entre os máis de 100 asistentes ao evento "A Coruña cos 5 sentidos", que a área de turismo da Deputación da Coruña celebrou no Palacio Euskalduna. Entre o público, atopábase tamén a deputada floral de Transportes, Movilidade e Turismo, Sonia Pérez.
Trátase dunha acción enmarcada na campaña "A provincia que sabe" para poñer en valor a cadea agroalimentaria da Coruña, dende os produtores e produtoras locais ata os chefs, facendo da gastronomía o principal elemento de promoción turística do territorio.
Os chefs de A Artesa da Moza Crecha (Betanzos), Lolo Mosteiro e Paula Martínez, foron os encargados de confeccionar un menú de orixe protagonizado por produtos de quilómetro cero e de alta calidade como o mexillón do Barbanza, os percebes do Roncudo, a pataca de Coristanco ou o polbo de Mugardos.
Un menú que se completou coas degustacións dos produtos de Mariscos de Barallobre, A Despensa d'Lujo, Queixo Galmesán, Vila sen vento, Cafés Aruba, Costumes Galicia Empanadas, Bodegas Lodeiros, A Conserveira e Museo MEGA Estrella Galicia, e que conquistou os "5 sentidos" dos asistentes.
Todas as empresas produtoras que acompañaron á Deputación neste evento destacaron a "gran oportunidade" que supón poder exhibir a súa materia prima en foros como este, "moi profesionais e de gran valor para nós", onde, ademais de promocionar os seus proxectos, amosan a gastronomía da provincia a través dos seus sabores e saberes, "que representan a nosa mellor marca turística" en palabras do vicepresidente e deputado de turismo, Xosé Regueira.
